Projekti “Promovimi i lëvizjes feministe përmes fuqizimit të grave dhe burrave të rinjë” i mbështetur nga Rrjeti i Grave dhe i financuar nga Bashkimi Evropian, ka për qëllim përmirësimin e jetës së të rinjëve dhe të rejave duke u fokusuar në zhvillimin e shkathtësive jetësore dhe luftimin e dhunës me baza gjinore. Projekti ka filluar të implementohet nga muaji Qershor i vitit 2022 dhe në kuadër të tij realizohen aktivitete të ndryshme si punëtoritë e programit Y, klubi Bonu Burrë, shënimi i ditëve ndërkombëtare vetëdijësuese etj.

 

Si aktivitet kryesor janë punëtoritë e programit Y, në të cilat marrin pjesë të rinjtë dhe të rejat e shkollave bashkëpunuese. Përgjatë këtyre aktiviteteve po krijohet një hapësirë e sigurtë, ku të rinjtë dhe të rejat mund të shprehen lirshëm dhe të ngrisin zërin për çdo çështje. Duke marrë pjesë në realizimin e aktiviteteve të rinjtë/rejat kanë arritur të avokojnë rreth çështjeve të ndryshme si dhe në marrjen e përgjegjësisë mbi veprimet që ndërmarrin në komunitet. Ky projekt implementohet në komunën e Pejës dhe synon të përfshij mbi 150 të rinjë dhe të reja nga shkolla të ndryshme.